Барвенак (1924)/Трывогі і надзеі/Мой шлях

← Мая песьня

Мой шлях Верш Аўтар: Алесь Гурло 1924 год

⁂ (Я ня раз…) →

Іншыя публікацыі гэтага твора: Мой шлях.

Прапануем да спампаваньня!

МОЙ ШЛЯХ.

Сумнай дарогай
Ў сэрцы з трывогай
Доўга іду я;
Сьнег замятае,
Вочы зьліпае,
Я ўсё плятуся,
Вецер так сьвішча,
Нібы агнішча
Смаліць мне вочы;
Думкі балючы
Сэрца калюча
Моцна сьціскаюць.
Цяжка зьнямога,
Доўга дарога,
Але іду я!

1921 г.