Барвенак (1924)/Трывогі і надзеі/Бяссонная ноч

Бяссонная ноч
Верш
Аўтар: Алесь Гурло
1924 год

Іншыя публікацыі гэтага твора: Бяссонная ноч.

Прапануем да спампаваньня!

БЯССОННАЯ НОЧ.

На сьцяне гадзіньнік б‘е,
А ў запечку точыць шашаль;
Мае грудзі душыць кашаль
І заснуці не дае.

Праз вакно ка мне глядзіць
Месяц белы, серабрысты,
Асьвятляе ўсё дачыста,
Каб мяне разьвесяліць.

Не замкнуць на сон мне воч…
Выйду, сяду на прасторы…
Мараў ясныя узоры
Хай сатчэ вось гэта ноч…

Капыль, 1921 г.