Барвенак (1924)/Родныя вобразы/У родным краі

← Замкавая гара

У родным краі Верш Аўтар: Алесь Гурло 1924 год

Бацькаўшчыне →

Іншыя публікацыі гэтага твора: У родным краі (Гурло).

Прапануем да спампаваньня!

У РОДНЫМ КРАІ.

Сапачыньце, сэрца струны,
Сапачынь, душа:
Замяніла стогн пярунаў
Родная ціша.

Прыдзе час — яна разбудзіць
Дзеля новых бур;
Струны звонка граці будуць,
Галасьней бандур.

І з грудзей маіх на зьмену
Выйдзе думак рой;
Убяру іх і адзену
Новаю парой.

Тэй парою дзён прынадных,
Дзе жыцьцё — як цьвет,
Дзе усё, усё няздрадна,
Дзе усё — расквет…

1921 г.