Бажанне

З пляцоўкі Вікікрыніцы
Перайсці да навігацыі Перайсці да пошуку
Бажанне
Верш
Аўтар: Алесь Гарун
1914
Крыніца: https://knihi.com/Ales_Harun/Bazannie_spz.html

Спампаваць тэкст у фармаце EPUB Спампаваць тэкст у фармаце RTF Спампаваць тэкст у фармаце PDF Прапануем да спампаваньня!




Не прашу я, Божухна, скарбамі ўладалі,—

Дай мне толькі сілы зарабляць, каб жыць,

Каб і ў дзень, як прыйдзе мне душу аддаці,

Хлеб я свой штодзённы працай мог здабыць.

Не прашу я, Божухна, твайго свету знаці —

Ўсе пачаткі, змены, і канцы, і рух,—

Дай адно людскую праўду мне паняці

І яе быць верным, найпадданьшым з слуг.

І усё тут, Божухна, чым патурбаваці

Я хачу сягоння, просячы цябе:

Дай мне праўду знаці, і ў людзях спаўняці,

І заўсёды з працы хлеб свой мець сабе.