Арлы-брацьці, дайце скрыдлы…

З пляцоўкі Вікікрыніцы
Jump to navigation Jump to search
Арлы-брацьці, дайце скрыдлы…
Верш
Аўтар: Алаіза Пашкевіч (Цётка)


 * * *

Арлы-брацьці, дайце скрыдлы,
Бо унізе жыць мне збрыдла,
Кіньце кожны адно пёрка,
Бо жыць ўнізе стала горка.

Хачу, арлы, ляцець з вамі
Над гарамі, над мурамі,
Крыльлем хмары расьсякаці,
Сьмела ў неба заглядаці,

Жыць ў аблоках над зямлёю,
Скрыдлы раніць ў страшным бою,
Кроў з-пад сэрца людзей піці
І ўгару к сабе ўзнасіці.

Арлы-брацьці, дайце скрыдлы,
Бо між людзі жыць мне збрыдла,
Кіньце кожны адно пёрка,
Бо унізе жыць мне горка!

(1914)


Глядзіце таксама