І залацісьцей і сталёвей (1926)/Скрыжалі/І ні лютае гора…

← Выйду, выйду ў нізіны…

І ні лютае гора… Верш Аўтар: Алесь Дудар 1926 год

Легенда →

Іншыя публікацыі гэтага твора: І ні лютае гора…

Прапануем да спампаваньня!

7.
І ні лютае гора, ні балючая крыўда
не павіснуць на крыльлях.
Прыдуць людзі ліхія, ды з каменьнямі прыдуць
прыдуць з крыкам зьвярыным.
Будуць бэсьціць адважных, што ўзьняліся на ўзвышшы,
і ад злосьці бясьсільнай, як ваўкі заскавычуць —
не павіснуць на крыльлях.