Čyžyk biełaruski (1912)/Joj

← ⁂ (Paświata Jakubu Kołasu)

Joj Верш Аўтар: Гальяш Леўчык 1912 год

Epihrama →

Іншыя публікацыі гэтага твора: Ёй (Леўчык).

Прапануем да спампаваньня!

JOJ.

(paświačaju Waciuku Łastoŭskamu).

Nie čepaj ty mianie, nie hladzi ty siudy
I nia wiedaj, što ja sumny pieśni piaju…
Ty ŭ biadzie nie žyła, ty nie znaješ biady;
Narekałaž kali ty na dolu swaju?!

Nie čepaj ty mianie, nie hladzi ty siudy
U wakonce majo i u chatku maju!
I nie znaj: jak žywu, što ja chwory, chudy,
Što niadolu ciarplu, što nad hrobam staju…

Nie čepaj ty mianie, nie hladzi ty siudy,
I nie znaj, jak ja tut sam pracuju, rablu…
Ty bahata žywieš, ty nie bačyš žudy,
My nia roŭny sabie — ja ciabie nie ciarplu!…

Nie čepaj ty mianie, nie hladzi ty siudy,
Adydzisia i lepš nie lubi ty mianie!
Prapadzie twoj ahoń, i pahinuć trudy —
Ja lubić maju što u swajoj staranie!

18/XI 1909, Warsawa.