Z rodnaha zahonu (1931)/III/U kuźni

U kuźni
Верш
Аўтар: Андрэй Зязюля
1931 год

Іншыя публікацыі гэтага твора: У кузьні (Зязюля).

Прапануем да спампаваньня!

U KUŹNI.

Žar čyrwienicca ŭ harnie,
Połymiem bušuje,
Z fartuchom u kaptanie
Tut kawal styruje.

U klaščy ŭščamiŭ rysor,
Da harna ŭkładaje,
Palacieła u prastor
Dumka załataja.

Zabialeła miham stal,
Waračysia ŭ piečy,
Strapianuŭsia z mar kawal,
Raspraŭlaje plečy.

Wyniaŭ z žaru stal prytnom,
Kinuŭ na kawalniu,
Dy z razmachu małatom
Kali ŭderyć, smalnie!

Nawakruh razlohsia stuk,
Iskry pyrskać stali,
Trudna zhledzić machu ruk,
Stojačy u waddali.

Kuj padkowu, kawalok,
Poki stal harača,
Kuj žalezny wuchnalok,
Chaj siamja nia płača!

Chaj-ža warycca ŭ žary
Stal, ahniom pałaje,
Pracu ciažkuju z hary
Boh bahasłaŭlaje.

Kuj, pracuj pakul žywieš,
Poki ruki ŭ sile,
Adpačynieš, jak pamreš,
U syroj mahile.

A twoj duch, što rwaŭsia ŭ dal
Da čahoś światoha,
Ŭhartawaŭšysia, jak stal,
Pojdzie ŭ Raj, da Boha.

Dyk niachaj pływie ŭ žary
Stal, ahniom pałaje:
Pracu ciažkuju z hary
Boh bahasłaŭlaje.