Vita (1926)/Жыцьцё/Міма радыё мчыцца

← Бягучы ў крыніцу па ваду

Міма радыё мчыцца Верш Аўтар: Язэп Пушча 1926 год

Яна →

Іншыя публікацыі гэтага твора: Міма радыё мчыцца…

Прапануем да спампаваньня!

МІМА РАДЫО МЧЫЦЦА

Міма радыо мчыцца.
Электра-зіяньне.
Ў маторна-аўтобуснай чытцы,
вечар распустаю мямліць.

Няма вуліц маўклівых,
— гармідар плюскоча.
Сэрцы сьціскаюцца клінам,
туга націскае на вочы.

Тут аддаюцца за грошы,
блуд па калена.
Няма лепшых і горшых…
Завінаюць душу ў бакалею…