Rodnyje zierniaty (1916)/II/Wiesna/Try wiarbiny

← Jak pory hodu ŭpływajuć na raśliny i źwieroŭ

Try wiarbiny Верш Аўтар: Альфонс Петрашкевіч 1916 год

Jak pory hodu ŭpływajuć na źwieroŭ →

Іншыя публікацыі гэтага твора: Тры вярбіны.

Прапануем да спампаваньня!

Try wiarbiny.

Try wiarbiny, try siastrycy,
Bytcym try sirotki,
Pachiliŭšyś nad wadzicaj,
Nyjuć, adzinotki.
Try kabiety-maładzicy
Ślozy praliwajuć,
Ad mužoŭ, što na hranicy,
Wiestački čekajuć.
Sumna wiecier pa dalinach
Świšče, zawywaje.
Rwie listočki, pa dalinach
Nosić, raskidaje.
Nie prychodziać žadny wiestki
Ad mužoŭ-wajakaŭ
I sumujuć try niawiestki,
Hlanuŭšy-b zapłakaŭ!
Mnoha letak tak biaz doli
Na kraŭžy, pry rečcy,
Pražyli wiarbiny ŭ poli
Z wietram, ściužaj ŭ sprečcy.
Šmat dzianiočkaŭ skaratali
Žonki adzinoki,
Pokul mužy zawitali
Kim s krajoŭ dalokich.