Pierszy pramień (1929)/81

81. Ranicaju
Абразок

1929 год

Прапануем да спампаваньня!

81. Ranicaju.

Wyhlanuła z-za lesu jasnaje soniejka i pasłała ŭsiudy swaje załatyja kasulki budzić ziamlu.

Prylacieła pierszaja kasulka i łuczyła na żawaranka. Strapianuŭsia toj, wylacieŭ iz hniaździeczka, wysaka-wysaka szuhanuŭ pad niabiosy i zapiajaŭ swaju sierabrystuju pieśniu.

Druhaja kasulka łuczyła na zajczyka. Zajczyk pracior łapkami zaspanyja woczki i wiasioła paskakaŭ pa sienażaci. Pabieh jon szukać sabie świeżaje trawicy na śniedańnie.

Treciaja kasulka prylacieła ŭ katuch. Piewień załapataŭ kryllem i zapiajaŭ: kukaraku! Kury paźlatali z kurasadniku i pabiehli na dwor kapacca ŭ śmiećci dy szukać czarwiakoŭ.

Czaćwiertaja kasulka łuczyła ŭ wulej. Wypaŭzła pszczała, sieła pry wakoncy, a paśla rasstawiła krylle i palacieła zbirać miadok z pachnuczych krasak.

A piataja kasulka prylacieła ŭ chatu. Usie paŭstawali i staryja, i małyja, pamylisia, Bohu pamalilisia dy da pracy pajszli. Adnaho tolki Wasila mamka nijak dabudzicca nia moża. Pawiarnuŭsia jon sabie na druhi bok dy ŭznoŭ zasnuŭ.