Pieśni (1913)/III/Wietru

← Dziaŭčynie — tawaryšu

Wietru Верш Аўтар: Цішка Гартны 1913 год

Dzie wy, hady maładyje →

Іншыя публікацыі гэтага твора: Ветру (Гартны).

Прапануем да спампаваньня!

III.

Żalby i żadańnia.

---

1. Wietru.

Wiej ty, wolny wiecier,
Wiej pa čystym polu,
I šukaj usiudy
Za mianie ty doli.

Pralaci ziamloju
Skroź pa świecie biełym
Dy šukaj staranna,
Dy šukaj umieła.

Może jana bludzić
Pa lasoch, pustyniach,
Źbiŭšysia z darohi
Ŭ pustkach dzikich hinie.

Może złyje ludzi
Dzie jaje strymali
I ŭ zamki z żaleza
Jaje zakawali,

Dy jana nia może
Wyrwacca na wolu, —
Ŭsio jaje pilnujuć,
Nie dajuć patoli…

Wiej-że, wolny wiecier.
Wiej pa świecie cełym
I šukaj mnie dolu.
Dy šukaj uieła.

A kali dzie najdzieš,
Prywiadzi z saboju, —
Ja chacia na chwilu
Padziŭlusia joju.

Pahladżu, pabaču,
Što jana za dziwa,
Ci papraŭdzie można
Z jeju żyć ščaśliwa.

A tabie-z za heta
Wiecier, atpłačusia:
Pierad twaje mocaj
Nizka pachinusia.

---