Pieśni (1913)/III/Da żaŭranki

← Ja — ništo

Da żaŭranki Верш Аўтар: Цішка Гартны 1913 год

(Nie pakiń ty, nadzieja) →

Іншыя публікацыі гэтага твора: Да жаўранкі (Гартны).

Прапануем да спампаваньня!

12. Da żaŭranki.

Żaŭranka, żaŭranka, ptašačka wolnaja,
Dzietka ščaśliwaja woli światoj,
Dolaj prastoru i świetu biazmieżnaho
Dušu pakutnuju mnie ty napoj.

Ciopłymi bleskami soniejka jasnaho
Z nočy ciamliwaj znimi ty pakroŭ,
Siłaj mahučaju pieśni wiasiołaje
Ščaścia budowinu jej pryhatuj.

Šparka na krylejkach ŭ dal padniabiesnuju
K zoram bliskučym dušu padymi,
Ŭ zieleń ćwitučuju kraskami radaści.
Jak haławu dzieŭču, ŭ wienčyk abwi.

Ŭ siniej paścieli prastoru šyrokaho
Ziemlu chałodnu na wieki schawaj…
Żaŭranka, żaŭranka, ptašačka wolnaja,
Prośbu pačuj ty, chutčej pryletaj!..

---