Karotki Katachizm (1907)/IV
| ← III. Ab Božych prykazańniach | IV. Ab prykazańniach kaścielnych Катэхізм Аўтар: Рох Філяхоўскі 1907 год Пераклад: Францішак Будзька |
V. Ab hrechu → |
Прапануем да спампаваньня!
IV. Ab prykazańniach kaścielnych.
P. Kolki jość prykazańnioŭ kaścielnych?
A. Piać.
P. Čamu jany zawucca kaścielnymi?
A. Bo jich ustanawiu Katalicki Kaścioł.
P. Chto Kaściołu daŭ prawa ŭstanoŭlać prykazańnia?
A. Pan Jezus.
P. Što heta jość Katalicki Kaścioł?
A. Katalicki Kaścioł heta jość ustanoŭlenaja praz Pana Jezusa hramada wiernych, katoryje majuć adny praŭdy wiery, prymajuć adny i tyje samyje Sakramenty i pasłušny hławie Kaścioła Papie.
P. Pa čym možna paznać praŭdziwy Kaścioł?
A. Praŭdziwy Kaścioł možna paznać pa tym, što jon jość adzin, światy, katalicki abo ŭsiaświetny i Apostolski.
P. Jakoje jość pieršaje kaścielnaje prykazańnie?
A. Dni światyja światkawać.
P. Sto prykazywajeć pieršaje prykazańnie?
A. Jano prykazywajeć światkawać u dni światyje tak sama, jak i ŭ niadzielu.
P. Jakoje jość druhoje kaścielnaje prykazańnie?
A. Mšu światuju ŭ niadzielu i świata z uwahaj słuchać.
P. Što heta jość Świataja Mša?
A. Świataja Mša heta jość niekrywawaja achwiara, u katoraj sam Pan Jezus za nas achwiarowywajecca.
P. Chto ŭstanowiŭ Achwiaru Mšy Światoj?
A. Sam Pan Jezus u Wialiki Čećwier na apošniaj wiačery.
P. Jakoje jość trećciaje kaścielnaje prykazańnie?
A. U naznačanyje dni paścić.
P. Kali ŭ hetyje dni možna nie paścić?
A. U ciažkaj chwarobie i majučy kaścielnaje pazwaleńnie.
P. Jakoje jość čaćwiortaje kaścielnaje prykazańnie?
A. Choć raz u hod kala Wialikadnia spawiadacca i kamunikawać.
P. Jak hrešyć toj, chto nia byŭ u Wialikodnaj spowiedzi i nie prymaŭ Kamuńji Swiatoj?
A. Hrešyć jon ciažka i, kalib pamior biaz spowiedzi, nia možna jaho chawać na mahiłkach pa katalicku.
P. Što treba rabić tamu, chto na Wialikodnaj spowiedzi nie dastaŭ razhrašeńnia?
A. Treba jamu wyspowiedacca druhi raz u naznačanym časie.
P. Jakoje jość piataje kaścielnaje prykazańnie?
A. Nie spraulać wiasiella ŭ zabaronienym časie.