Hołas dušy (1934)/V/Pieśni-psalmy/Dzień toj hniewu

Dzień toj hniewu
Песьня

1934 год

Прапануем да спампаваньня!

VI. Dzień toj hniewu…

(Dies irae).

Dzień toj hniewu, dzień niabyły,
Ŭ im świet ceły stanie pyłam —
Świedčyć Dawid tak z Sybillaj.

Jak wialiki strach nastanie,
Kali Boh niespadziawana
U tajomnaść serc zahlanie.

Truby hołas strašnym tonam
Zbudzić źmioršych ŭsich staronaŭ
I pastawić ich prad tronam.

Śmierć, świet ceły, z žacham hlanie,
Kali ŭmioršy z hrobu ŭstanie
Dla adkazu Sudździ dańnia.

Woś i kniha, hdzie śpisana
Ŭsich prastupnaść, choć niaznana,
Prysud świetu stul ad Pana.

Jak zasiadzie Boh na tronie,
Skryty winy Jon adsłonie
I ŭkaraje pa zakonie.

Što pačnu ja nieščaśliwy,
Abaronca dzie praŭdziwy —
Kali ŭ strachu sprawiadliwy!

Ŭ majestacie strašny Boža,
Zbaŭlać darma Tabie hoža,
Twaja miłaść heta moža.

Ŭspomni, Jezu, tej hadziny,
Što ciarpieŭ z majej pryčyny,
Nie karaj mianie za winy.

Dla mianie byŭ spracawany,
Adkupiŭ ukryžawany,
Chaj nia hinuć Twaje rany.

Sudździa, Boža sprawiadliwy,
Pokul pryjdzie sud strašliwy,
Budź ciapier mnie litaściwy.

Z žacham baču hrachoŭ chmary,
Rumianicca styd na twary,
Boža dobry, zbaŭ ad kary!

Darawaŭ Ty Mahdalenie,
Łotru z kryža daŭ zbaŭleńnie
Mnie-ž nadzieju ŭ adkuplennie.

Maja prośba mała znača, —
Ty woś Dobry, daj adnača —
Ŭ wiečnaj kary chaj nia płaču.

Chaj z aŭcami apynusia,
A kazłoŭ uścierahusia,
Na prawicy chaj znajdusia.

Addzialiŭšy złych plamieńnie,
I pasłaŭšy na mučeńnie,
Mnie u niebie daj zbaŭleńnie.

Prad Twaim malusia tronam,
Sercam sumu, boli poŭnym,
Majej śmierci budź patronam.

Och, dzień płaču, jak z mahiłaŭ
Na sud ścisły z swaich winaŭ
Hrešnik prad tron Božy ŭstanie.

Pakažy Ty źmiławańnie,
Dobry Jezu, miły Panie,
Daj im wiečna spačywańnie.

(Na zakančeńnie žałobnaha nabaženstwa piajecca abo „Aniel Panski“, abo „Salve Regina“).