Maci pad kryžom stajała,
Ślozy horka wyliwała,
Jak jaje wisieŭ tam Syn.
Jejnu dušu poŭnu bolu,
Poŭnu sumu i niadoli
Z našych mieč prabiŭ pryčyn.
Sumna była i zbaleła
Až ad bolu časta mleła,
Matka Syna adnaho.
Što tady jana daznała,
Jak praz ślozy ahladała
Muki strašnyja Jaho!
Ach, z ludziej chto nie zapłača,
Jak Chrystusa Matku ŭbača
Ŭ hetkim hory pad kryžom?
Nia tužyć, bo niemahčyma,
Jak ŭsie muki prad wačyma
Matki j Syna my źbiarom.
Widzić — za ludziej prawiny
Ŭbičawany Syn Adziny,
Strašnych mukaŭ daznaje.
Widzić Syna, jak kanaje,
Haławu swaju skłaniaje,
Ducha Bohu addaje.
Maci miłaści i zhody —
Chaj Twoj sum sa mnoj zaŭsiody,
Chaj z Taboju płaču ŭściaž.
Daj, kab serca ŭsio hareła,
Kab luboŭju ŭ žyćci cełym
Byŭ zaŭsiody Zbaŭca naš.
Mnie, świataja Maci, daj-ža
Rany Jezusa — niachaj-ža
Ŭ sercy buduć, jak piačać.
Twajho Syna muki-rany,
Što ciarpieŭ ukryžawany,
Daj mnie, Maci, pieraniać.
Płakać razam pazwol, Maci,
Ŭ mukach Synu spahadaci
Pokul tut ja na ziamli.
Chaj napłačusia ad bolu
Pad kryžom Twaim dawoli —
Hetu lasku mnie pašli.
O świataja Maci Boha,
Ja prašu Ciabie niamnoha —
Horki płač chaj złuča nas!
Muki Syna i skanańnie,
Ŭsie naruhi, wyśmiawańnie
Razwažać daj ŭ kožny čas.
Daj nasić u sercy rany,
Z kryža chaj mnie budzie dany
Duš napitak — Syna kroŭ.
A jak pryjdzie Syn Adziny
Nas sudzić za našy winy,
Chaj Ciabie ja baču znoŭ.
Chryste, ŭ śmiertnuju hadzinu,
Praz Twajej Matki pryčynu,
Pieramohi ściah mnie daj!
Z ciełam jak duša rasstanie,
Ty jaje, naš Chryste Panie,
Ŭ swoj waźmi raskošny raj!
Amen.
Прапануем да спампаваньня!