Hołas dušy (1934)/Pradmowa II

← Pradmowa da I-ha wydańnia

Pradmowa da II-ha wydańnia Публіцыстыка Аўтар: Вінцэнт Гадлеўскі 1934 год

Paciery →

Прапануем да спампаваньня!

PRADMOWA
da II-ha wydańnia.

Pryhataŭlajučy da druku II wydańnie „Hołasu Dušy“, mieŭ ja na ŭwazie pradusim našu biełaruskuju moładź, jakaja choča malicca ŭ swajej rodnaj mowie i žadaje swajej knižki da nabaženstwa. Dziela hetaha ŭwieś matarjał u hetym II wydańni datasawany da žyćcia moładzi i pryhetym wybrany najpatrabniejšy. Wypuściŭ ja z I wydańnia raździeł ab tarcyjarstwie, razmyšleńni na wažniejšyja świata hodu, a ŭwioŭ miž inšym malitwy Imšalnyja, abapiortyja na Liturhii, niešpary (da Maci Božaj), karotki rachunak sumleńnia i sabraŭ usie pieśni, jakija ad I wydańnia (ad 1926 h.) źjaŭlalisia ŭ časopisiach i adbitkach. Nie pamiaściŭ ja „Darohi Kryža“, „Ražanca“, „Pieśniaŭ žalu“, kab lišnie nie pašyrać raźmieru knižki, jakaja i raźmieram swaim pawinna być prydatnaj dla moładzi. Pakul wyjdzie abšyrnaja knižka da nabaženstwa dla narodu, abyjmajučaja ŭsiu Słužbu Božuju, hetaj knižycaj mohuć karystacca i starejšyja.

Niachaj-ža heta knižyca budzie puciawodnaj zorkaj u relihijnym adradžeńni Biełaruskaha narodu.

Ks. W. Hadleŭski.