Biełaruski Kalendar Swajak na 1919 hod/Ustaŭnaja hramata Rady Biełaruskaj Narodnaj Respubliki
| ← Ustaŭnaja hramata da narodaŭ Biełarusi | Ustaŭnaja hramata Rady Biełaruskaj Narodnaj Respubliki Дакумант Аўтар: Рада БНР 1918 год |
Wažniejšyje zdareńnia palityčna-hramadzianskaho žyćcia na Biełarusi → |
| Іншыя публікацыі гэтага твора: Трэцяя Ўстаўная грамата. |
Прапануем да спампаваньня!
Ustaŭnaja hramata Rady Biełaruskaj Narodnaj Respubliki.
Hod nazad narody Biełarusi z razam z narodami Rasei skinuli jarmo rasiejskaho caryzmu, jaki najciažej prycsinuŭ byŭ Biełaruś; nie pytajučysia narodu, jon ukinuŭ naš kraj u pažar wajny, jakaja čysta zrujnawała harady i wioski biełaruskije.
Ciapier my, Rada Biełaruskaj Naradnaj Respubliki, skidajem z rodnaho kraju apošniaje jarmo dzieržaŭnaj zaležnaści, jakoje hwałtam nakinuli rasiejskije cary na naš wolny i niezaležny kraj.
Ad hetaho času Biełaruskaja Narodnaja Respublika abwieščajecca Niezaležnaj i Wolnaj Dzieržawaj. Sami narody Biełarusi, u asobie swajho Ustanoŭčaho Sejmu, pastanowiać ab budučych dzieržaŭnych źwiaziach Biełarusi.
Na mocy hetaho traciać siłu usie staryje dzieržaŭnyje źwiazi, jakije dali mahčymaść čužomu ŭradu padpisać i za Biełaruś traktat u Biareści, što zabiwaje na śmierć biełaruski narod, dzielučy ziamlu jaho na častki.
Na mocy hetaho urad Biełaruskaj Narodnaj Respubliki maje uwajści ŭ adnosiny z zacikaŭlenymi staronami, prapanujučy im pierahledzić tuju čaścinu Bieraściejskaho Traktatu, jakaja datyčyć Biełarusi, padpisać mirawuju umowu z usimi wajewaŭšymi dzieržawami.
Biełaruskaja narodnaja Respublika pawinna abniać usie ziemli, dzie žywie i maje ličbiennuju pierewahu biełaruski narod, a łaśnie: Mahileŭščynu, biełaruskije čaści Mienščyny, Hrodzienščyny (z Hrodniaj, Biełastokam, i inš.), Wilenščyny, Witebščyny, Smalenščyny, Carnihoŭščyny i sumiežnyja čaści susiednich hubierniaŭ, zasielenyje biełarusami.
Biełaruskaja Narodnaja Respublika paćwierždaje ŭsie tyje prawy i wolnaści hramadzian i narodaŭ Biełarusi, jakije abwieščeny Ustaŭnoj Hramataj ad 9 sakawika 1918 hodu.
Abwieščajučy ab niezaležnaści Biełaruskaj Narodnaj Respubliki, Rada jaje pakładaje swaje nadziei na toje, što ŭsie lubiačyje wolu narody dapamohuć biełaruskamu narodu ŭ poŭnaj miery zdiejśnić jaho palityčna-dzieržaŭnyje ideały.
Narodnaj Respubliki.
25 sakawika 1918 hodu.