Biełarus (1913)/1913/4/Z psalmu

Z psalmu Верш Аўтар: Андрэй Зязюля 31 студзеня 1913 году

Świata Matki Boskaj Hramnicznaj →

Іншыя публікацыі гэтага твора: З псальму (Зязюля).

Прапануем да спампаваньня!

Z psalmu.

Szczaśliwy, chto u radu błahich nia ustupaje,
Chto wybrau wuskuju darohu,
Da Nieba jdzie joju, haścincy minaje,
Szto ciahnuć da piekła parohu.

Szczaśliwy, chto Bohu na służbu addausia,
Kab szczyra arać Jaho niwu,
Szczaśliwy, chto wiernym wa usim Jamu stausia
Zdaleuszy naturu laniwu.

Szczaśliwy, chto uczuuszy harotnych stahnańnie,
Pa wuskaj, ciarnistaj darozie
Paszou z dobraj woli swajej na spatkannie
Im biednym — i stausia u spamozie.

Chto zważyu marnotu daczesnaści hetaj,
Pa ścieżcy ciasnoty jdzie śmieła,
Dy złuczany wieraj sa świetłaju metaj
Duszu swaju lubić — nia cieła.

Chto jszou pa askołkach prykładam Chrystowym
Pjuczy horki kielich ciarpieńnia,
I kożnuju chwilu pajści byu hatowy
Za praudu na ździek zaślapieńnia.

Chto wypauniu szczyra prykaz miławańnia
Jak sam siabie bliźniaho swoha,
Dzialiusia z ubohim kusoczkam nadańnia,
Uspamohszy u patrebie czym zmoha.

Chto wierny byu Bohu u pryzwańni zausiody,
S paczatku da samaj kanczyny —
Woś toj tolki wiecznaje warty nahrody
— Być synam niabiesnaj ajczyny.

Andrej Ziaziula.

---