Abrazki (1913)/Nie biaży za kwietkaj…
| ← Pastuška | Nie biaży za kwietkaj… Абразок Аўтар: Змітрок Бядуля 1913 год |
Biassonnaść → |
| Іншыя публікацыі гэтага твора: Не бяжы за кветкай… |
Прапануем да спампаваньня!
Nie biaży za kwietkaj…
Nie biaży za kwietkaj sinieńkaj, što na dryhwie raścieć. Nie pieredawajsia dumam swaim maładym i haračym. Nie paziraj doŭha na maładuju pryhożuju dziaŭčynku, bo biez pary zahinieš! za nimašto prapadzieš, chłopče!
Haspadarka twaja apuścicca; nia budzie nawat čaho da miakiny prymiešać na chleb. Jak nieprytomny, budzieš ty bryści pa haścincu i ŭsia wioska ciabie na śmiech padyjmieć, palcami niačystymi aż ŭ wočy tykajučy.
Tolki żalejku słuchać achwotnikam stanieš; zaŭsiady rwacca, budzieš na zorki hladzieć… Bahaćciem twaim buduć wialikaja — bol ŭ dušy, horkije ślozy u wačach… Ale što wyjdzie z hetaho?.. Rawieśniki twaje dodnikami buduć małacić dabro twajo torpu za torpaj, a ŭ ciabie zub ab zub zamałócić. Rawieśniki twaje buduć siadzieć u chatach tynkawanych, a praz twaju brawerku dzirawuju wiecier chałodny budzie świstać…
… Nie biaży za kwietkaj sinieńkaj, što na dryhwie raścieć…