Aświeta (1936)/VIII

← VII. Letnija kursy

VIII. Kursy karespandencyjnyja Публіцыстыка Аўтар: Станіслаў Грынкевіч 1936 год

IX. Biblijateki →

Прапануем да спампаваньня!

VIII. Kursy karespandencyjnyja.

Meta hetkich kursaŭ heta dać mahčymaść raskidanym daloka adzinkam, daloka ad centru, znajści krynicu i pomač u samastojnaj pracy. Hetkija kursy bačym najčaściej u suwiazi z praktyčnymi pytańniami. U našym biełaruskim žyćci bačyli my ŭžo niekalki sprobaŭ henaje pracy i jak pakazywajuć arhanizatary kursaŭ (kursy kooperatyŭnyja, pčalarskija) efekty mieli wielmi dobryja. Dla šmat kaho heta adzinaja mahčymaść dapoŭnić swaju wiedu ci nawučycca niečaha nowaha. Nijakaja knižka nie zastupić kursaŭ. U lekcyjach na kursach inšy padychod da temy, padychod heny bolš indywidualny, raskład źmiestu bližejšy da žyćcia, da praktyčnych patrebaŭ.

Jasna, što kursy karespandencyjnyja mohuć cikawać nia tolki ab čysta praktyčnych temach. Eŭropa a jašče bolš Ameryka wiedaje daŭno ŭžo henyja kursy, na ich ludzi prachodziać škoły siarednija i na‘t wysokija, dastajuć dyplomy i hetkim čynam mohuć paprawić swoj los žyćciowy.

Kursy razciahiwajucca zaŭsiody na niekalki miesiacaŭ. Pry kožnaj lekcyi na kancy jość praktyčnyja rady, pytańni. Usieńka heta prymušaje da samastojnaje pracy kursanta.

U Polščy jość kursy karespandencyjnyja haspadarčyja, majučyja wialikuju za saboju praktyku, i biazumoŭna sučasnaja niezaležnaść dziaržaŭnaja ad čaści źjaŭlajecca śledamkaju zdajecca na pahlad hetkich mała widawočnych natuhaŭ achwiarnych ludziej, i tych, što pisali lekcyi, i tych, što wučylisia na kursach.