Я цябе пакахаў (Вольны)

Я цябе пакахаў… Верш Аўтар: Анатоль Вольны 1926

Прапануем да спампаваньня!

Ў мармуровым сьнягу
вецер
песьні
пісаў…
Вецер сьпеў
завіваў
у лілёвы
вянок, —
Я цябе пакахаў,
Я цябе пакахаў…
Ў мармуровым сьнягу
вецер
песьні
пісаў…
Зь сінявокіх нябёс,
зь несызьмернай
глыбі
вецер зоркі
зрываў,
зь непакорнасьцю нёс.
Зьнікнеш зоркай і ты…
зьнікнеш
зоркай
і ты
зь сінявокіх нябёс,
зь несызьмернай
глыбі…