Я болей не плачу… Я муку сваю

*** Я болей не плачу… Я муку сваю Верш Аўтар: Аляксандар Алесь Пераклад: Уладзімір Жылка Крыніца: Выбраныя творы — 1998, Кнігазбор

Арыгінальная назва: «*** Я більше не плачу… Я муку свою»

Прапануем да спампаваньня!

Я болей не плачу… Я муку сваю
Навек ланцугамі скую.
Народ мой закуты, забраны,
Гараць яго раны…
І душу сваю
Я ранам яго аддаю.

Я больш не спяваю: ў змаганні ўначы,
Спяваюць жалезны мячы.
Маланкамі ў цемры лятаюць,
Да бою склікаюць, —
Няхай ў барацьбе
І мой меч пяе аб сабе.

Даволі маўчаці. Нямыя рабы
Паднялі штандар барацьбы;
Народ загукаў мой: «Да бою
За землю, за волю!»
І ў помсце святой
Крычу я: «За волю, на бой!»