Чытаю я журнал сучасны

З пляцоўкі Вікікрыніцы
Jump to navigation Jump to search
Чытаю я журнал сучасны
Верш
Аўтар: Максім Багдановіч
Крыніца: http://www.maksimbogdanovich.ru/stories/52.htm



Чытаю я журнал сучасны:
Кіпіць у ім прагрэсу ход!
Ён у пісьменнасці прэкраснай
Назад уйшоў на сотню год…

П-ч сантыменталізмам
Там нас уздумаў частаваць,
А пан К-а рамантызмам
Сімвалістычным дзіваваць.

Прывет ім! Хай налягуць двое,
І мо звярнецца зноў пара,
Калі чыталі "Громобоя",
"Пастушки грусть" et cetera*.