Цаліну алавяных хмар…

З пляцоўкі Вікікрыніцы
Jump to navigation Jump to search
Цаліну алавяных хмар…
Верш
Аўтар: Алесь Дудар
1925
Крыніца: http://old.knihi.com/dudar/


 * * *

Цаліну алавяных хмар
скрозь прарэзалі сінія жылкі…
Можа, думак смутных няма?
Можа, гэта — толькі туман
над непапраўленай памылкай?..

Хай імжаць срабрыстыя кроплі.
Ты бяздонне хмар не кляні —
загудзяць па блакітных тропах,
зазвіняць сталёвыя крокі —
праскачу я на белым кані.

(1925)