Хрэстаматыя новай беларускай літэратуры (1927)/IV/Б/Уладыслаў Галубок/Будучыня

← Уладыслаў Галубок

Будучыня Верш Аўтар: Уладзіслаў Галубок 1927 год

Чакай, браце… →

Іншыя публікацыі гэтага твора: Будучыня (Галубок).

Прапануем да спампаваньня!

Будучыня

Кіпіць работа, плыве пот,
І крык і гул, як гром;
Туды-сюды снуе народ:
Будуюць новы дом.
Лапаты рэжуць глыб^[1] зямлі,
Зьвініць сталёвы лом:
На месцы даўнай старыны
Будуюць новы дом.
Штодзень угорку сьцены йдуць
Ушыр і ўдоўж кругом,
Баліць мазоль і рвецца грудзь,
А ўсё-ж будуюць дом!
Настане дзень, надыйдзе час,
Мы крэпку столь зьвядзём,
І лепшай прышласьцю^[2] для нас
Быць мусе новы дом!
Працуйма-ж, брацьця! Хай хутчэй
Наш льлецца пот цурком:
Прыжджом і мы сьвятлейшых дней,^[3]
Як скончым строіць^[4] дом!

---

---

1. Лепей — глыбіню
2. Полён. — будучыняй.
3. Прав. — дзён, днёў.
4. Русіц. — будаваць.