Хрэстаматыя новай беларускай літэратуры (1927)/III/Б/Зьмітрок Бядуля/Пад родным небам/Пяе струна…

Пяе струна…
Верш
Аўтар: Змітрок Бядуля
1927 год

Іншыя публікацыі гэтага твора: Пяе струна натхнёная…

Прапануем да спампаваньня!

Пяе струна…

Пяе струна натхнёная,
Варожыць па начы;
Ад шчасьця млею, стогну я,
О, сэрца, не маўчы!..
Папера — поле белае
Для літараў-зярнят.
Шчыр-думкі сею сьмела я,
Я — сейбіт, я — багат.
Радкі — барозны роўныя
Вяду сахой-пяром.
Ратайскай сілай поўны я,
Магутнаю, як гром.