Хрэстаматыя новай беларускай літэратуры (1927)/III/Б/Гальляш Леўчык/З раскіданых вершаў/Мы жывём надзеяй

Мы жывём надзеяй
Верш
Аўтар: Гальяш Леўчык
1927 год

Іншыя публікацыі гэтага твора: Мы жывём надзеяй…

Прапануем да спампаваньня!

Мы жывём надзеяй.

Хай марозны вецер завывае жудка,
Хай старонку родну сьнегам занясе —
Мы жывём надзеяй! Хутка ці ня хутка —
Радасную пору бог нам прынясе!
Хай імгла зямельку ў путы спавівае,
Хай цямнее сонца з бураносных хмар —
Мы надзею маем: край наш прычакае —
Лепшу долю дасьць нам бог — наш гаспадар!
Хай пануе ліха, цяжкія пакусы,
Хай бяда прыцісьне, чмуцяць махляры —
Ў нас жыве надзея! Будуць беларусы
Бедаваць, цярпець ужо толькі да пары.