Хрыстовы Золак (1927)/Жабрак

← Мир Христов

Жабрак Верш Аўтар: Міхась Ключановіч 1927 год

На рацэ Случ →

Прапануем да спампаваньня!

XL. ЖАБРАК.

Ня імкнуся да багацьця,
Грошы не каплю ніколі,—
А імкнуся я да шчасьця,
Каб здабыць мне Духа волю.

Добра, чую зык душы —
Сэрца радасьцю сьмяецца:
На прасторы, ня ў глушы,
Воля духа з целам б’ецца

Й хоць жыву я жабраком,
Хоць бадзяюсь з хаты ў хату —
Ўсё-ж імкнуся за Хрыстом
У гасподу, Ім багату.

Старобін-Пінск. 1919-1923 г.