Хрыстовы Золак (1927)/Да маці

З пляцоўкі Вікікрыніцы
Я Да маці
Верш
Аўтар: Міхась Ключановіч
1927 год
Сірата

Спампаваць тэкст у фармаце EPUB Спампаваць тэкст у фармаце RTF Спампаваць тэкст у фармаце PDF Прапануем да спампаваньня!




XV. ДА МАЦІ.

Ня плач маці,
Ня плач маці
Па сынку сваім!
Не пайшоў ён
Прападаці
Ды ў бары глухім.
А пайшоў ён,
Родна маці,
Праўданьку шукаць.
Ня плач маці,
Ня плач маці,
Годзі шкадаваць!
Дый знайшоў сын
Праўду тую
Ў сэрцайку сваім.
Ня плач маці,
Ня плач маці
Па сынку такім!

Пужычы. 1 студзеня 1921 г.