Творы М. Багдановіча (1927—1928)/I/I/34

← 33. Срэбныя зьмеі

34. Хаўтуры Верш Аўтар: Максім Багдановіч 1927 год

35. Песьня пра князя Ізяслава Полацкага →

Прапануем да спампаваньня!

34.

ХАЎТУРЫ.

Белым сьнегам укрылася вуліца,
А на ім, паміж конскага гноя,
Мерзьне цёмна-зялёная хвоя,
І пушысты сьняжок да ёй туліцца.

Тут вязьлі ў катафалку нябожчыка;
Выступалі друзья ў задуменьні;
Крыж нясьлі, йшоў у рызах сьвяшчэньнік,
І цягнуліся ззаду ізвозчыкі.

І вакруг агаляліся голавы,
І пасьпешна хрысьціліся людзі;
Сэрца ныла, таміліся грудзі,
Думкі ціснулі, быццам як волава.

Чорны крэп, сьпеў царкоўны, пах ладана,
Труп, ляжачы ў труне нярухома, —
Так таінственна ўсё, так знаёма,
Ўсё так проста і так неразгадана.

1911.

Увагі

34. Хаўтуры. Выдаецца з аўтографу (п. IV, № 4, ст. 14). Захавалася два аўтографы — чыставы і чарнавы.
Чарнавы варыянт вершу напісаны аднэю рукою і на адным тым-жа аркушы, на якім поэтам напісаны верш, задатаваны 1911 годам (IV, № 8, арт. 7). На гэтай падставе ён аднесены да 1911 г. Друкуецца з чыставога варыянту, які мог быць напісаны і пазьней 1911 году.
Чарнавыя варыянты (IV, 8, 7):
8 і цягнуліся ціха ізвошчыкі;
15 … так вядома.

Для рыфмы захованы канчаткі ў словах: „гноя“ зам. „гною“ (2 р.), „ладана“ зам. „ладану“ (13 р.).