Хаўтуры (Багдановіч)

З пляцоўкі Вікікрыніцы
Jump to navigation Jump to search
Хаўтуры
Верш
Аўтар: Максім Багдановіч
Крыніца: http://www.maksimbogdanovich.ru/stories/41.htm



І вакруг агаляліся голавы,
І паспешна хрысціліся людзі;
Сэрца ныла, таміліся грудзі,
Думкі ціснулі, быццам як волава.

Чорны крэп, спеў царкоўны, пах ладана,
Труп, ляжачы ў труне нерухома, —
Так таінственна ўсё, так знаёма,
Усё так проста і так неразгадана.