Учора шчасце толькі глянула нясмела…

З пляцоўкі Вікікрыніцы
Jump to navigation Jump to search
Учора шчасце толькі глянула нясмела…
Верш
Аўтар: Максім Багдановіч
Крыніца: http://vershy.ru/content/uchora-shchastse-tolk%D1%96-glyanula-nyasmela



Учора шчасце толькі глянула нясмела, —
І развеяліся хмары змрочных дум.
Сэрца чулае і млела, і балела,
Радасць душу мне шчаміла, быццам сум.

Усё жыццё цяпер, як лёгкая завея.
Кнігу разгарнуў – а не магу чытаць.
Як зрабілася, што пакахаў цябе я, —
Хіба знаю я? Ды і нашто мне знаць?