Урачыстасьць (1925)/Урачыстасьць рэволюцыі/Хто мы?

← Вечнае

Хто мы? Верш Аўтар: Цішка Гартны 1925 год

Будаваньне →

Іншыя публікацыі гэтага твора: Хто мы? (Гартны).

Прапануем да спампаваньня!

ХТО МЫ?

Мы — сыны
Новых дзён!
Мы прарокі — ваякі за волю.
Пяруны
З бліскавіцамі значаць наш шлях
Ад нядолі мінуўшых вякоў
На чырвоны лунаючы сьцяг
Усясьветнай Комуны.
Нас вядзе
Да яе нястухаючы імпэт адвагі,
Як пяўца — слухаць гучныя струны
Няўміраючай сагі,
Як сьцярпеўшага мукі ад смагі
К вадзе.
Цьвёрды грунт
Нам вабіла па шляху цярпеньне;
Дакранёмся нагамі — ўлягае каменьне,
Ночы змрок разьлятаецца чорны
І гуляе прасторны,
Вялікі, упорны
Наш бунт
Дзе відаць,
Дзе стаяць
Векавыя устоі няволі,
Дзе яе уміраюць ахвяры, —
Туды шлём
Буру й гром!
Без спагады — патолі
Аддаём мы заслужныя кары.
Мы — сыны
Новых дзён!
Сьветлай долі працоўным — тварцы.
Мы Ўсясьветнай Комуны ганцы —
Вястуны!

Менск, 9/V—23 г.