Тры жаданні

З пляцоўкі Вікікрыніцы
Jump to navigation Jump to search
Тры жаданні
Верш
Аўтар: Якуб Колас
Крыніца: http://yakubkolas.ru/category/vershy


Хочам мы зямлі і хлеба,
Цяжка торбу нам насіць,
Не дае яго нам неба,
Слоў няма нам больш прасіць.

Хочам сонца мы і свету,
Цяжка нам хадзіць сляпым,
Цяжка жыць нам без прывету,
Як бы проклятым якім.

Хочам мы жыцця і волі,
Цяжка нам насіць ярмо, —
Не спадзе яно ніколі,
Не спадзе яно само.

(1911)