Твой ліст, мая дарагая… (Гейнэ/Сіманоўскі)

Твой ліст, мая дарагая… Верш Аўтар: Генрых Гейнэ 1827 Арыгінальная назва: Der Brief, den du geschrieben Пераклад: Іосіф Сіманоўскі Крыніца: Галасы з-за небакраю: анталогія паэзіі свету ў беларускіх перакладах ХХ ст. / склад. М. Скобла; уступны артыкул Е. Лявонавай. - выдавецтва "Лімарыюс", - Мінск, 2008 - с. 49

Прапануем да спампаваньня!

Твой ліст, мая дарагая,
Мяне не забіў, як гром.
Мяне ты не кахаеш,
А споведзі — цэлы том.

Дванаццаць старонак, роўна
Запоўненых з краю ў край...
Ці ж пішуць так мнагаслоўна,
Калі гавораць «бывай»?!