Суседзі (1932)/Для памяці

← Вэтэрынарная поэзія

Для памяці Фэльетон Аўтар: Анатоль Вольны 1932 год

Пра хворых людзей →

Прапануем да спампаваньня!

ДЛЯ ПАМЯЦІ.

Зноў аб добрасуседзкай дзяржаве.

Бо хто, пытаюся, яшчэ на прыгнечаную Беларусь гэткую ўвагу зьвяртае?

Ніхто!

Я тут вельмі расьпісвацца ня буду, а прывяду галоўныя факты добрасуседзкіх аб нас клопатаў.

„Усяго сядзела ў турмах Зах. Бел. 65 проц. усяго дарослага насельніцтва“ (з прамовы пасла Сабалеўскага ў польскім сойме).

Раней, праўду кажучы, дык знаходзіліся некаторыя нездаволеныя ў гэтай дзяржаве, бо ўсё-ж такі спакойна было толькі на 65 проц., але цяпер у гэтай дзяржаве абяцаюць яшчэ 35 проц. насельніцтва пасадзіць па турмах і ніякіх, кажуць правадыры, тады ня будзе болей нездаволеных у нашай дзяржаве.

І дзяржава тады, кажуць, будзе заспакоена.

Зноў-жа беларуская школа.

Была ў Вільне, Навагрудку, Беластоку, Слоніме, была ў ваяводзкіх і павятовых гарадох была ў мястэчках і вёсках.

Але адна рэформа пана міністра асьветы і…

І замест беларускай школы — вугольчыкі з панам міністрам асьветы на чале.

Зноў-жа Беларуская сяляяска-работніцкая грамада.

Вы разумеце, чытачы?

Я думаю, вы разумееце.

У Вільні процэс 56.

У Беластоку…

У Горадні…

.   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .

Для чаго ўсё гэта я пішу?

А так сабе, вядома, як той казаў, — для памяці!

■