Суседзі (1932)/Бюрократычная сьвіньня

← Хоць і нялоўка, затое праўда

Бюрократычная сьвіньня Фэльетон Аўтар: Анатоль Вольны 1932 год

Сумна →

Прапануем да спампаваньня!

БЮРОКРАТЫЧНАЯ СЬВІНЬНЯ.

Гэтак і пачнем…

Дзядзька загадчык Лагойскага нардому, адным словам, — правільна!

Газэты для Нардому — выпісваць ня варта!

Жылі-ж мы калісьці і зусім няпісьменнымі…

Адным славам ня варта!

Абыйдземся ўжо лепей без газэт, як-небудзь.

Або, скажам, выпішаш бывае Газэту, а там, скажам, фэльетон надрукаваны. І назва, скажам, фэльетону, старая, вядомая. Вось гэткая назва: „БЮРОКРАТЫЧНАЯ СЬВІНЬНЯ“.

А сяляне пачытаюць, ды так туманна гэта і здалёку, быццам жартам:

— „Па загалоўку, скажуць, нібы, ці не пра нашага гэтага загадчыка пішуць?“

І вокам, так гэта, — хітра абвядуць загадчыка.

Цьфу, ты, даруй божа!

Распуста гэткая…

Адным словам, лепш ужо як-небудзь без газэты абыйдземся…

… Дзядзька загадчык Лагойскага нардому, ці ведаеце, дрэнная справа выходзіць.

Вось толькі што званілі з Лагойска па тэлефону са скаргаю на тое, што вы на хочаце выпісваць для нардому газэты.

Ці чулі гэткае?

Яшчэ і газэты ня бачылі, а ўжо скардзяцца.

Брыда якая!..

Яно праўда, пакуль што вы лоўка ім адказалі. Вось як адказалі. Літаральна:

„Передайте Вашей газете от моего имени, что газета — это чепуха. Не читаем и не будем читать. Не выписываем и не будем выписывать“.

Адным словам правільна!..

Няхай Галоўполітасьветы гэтак і ведае і каб не чапіліся, значыць, болей з газэтай…

А калі, бывае-ткі, прымусяць выпісаць газэту, дык зноў-жа ўсё ў руках загадчыка Нардому — а вы яе адразу-ж на цыгаркі.

■