Сузор’і (1926)/Навальніцы жыцьця і змаганьня/Пачуй

← Сялянка-студэнтка

Пачуй Верш Аўтар: Алесь Гурло 1926 год

У швальні →

Іншыя публікацыі гэтага твора: Пачуй.

Прапануем да спампаваньня!

ПАЧУЙ

Калі адчуць ты песьню хочаш,
Падслухаць звон маёй душы, —
Ідзі пачуй, як горын творча
Пяе пра волю і пра шыр.

І ён, і я — адна істота,
Ў адно зрасьліся мы гальлё.
Калі ня нудзішся работы, —
Паслухай рогаты калёс,

Паслухай молатавы жарты
Заместа шэлесту ліста,
Тады пазнаеш, як упарта
Змагацца хоча з сілай сталь.

Ня бойся ты, дарэмны сполах:
Завод ёсьць кузьня змагара.
Ужо разьвенчан стары Молах,
Няволі згінула пара,

Цяпер жыцьця шырэй дарогі!
Ды што казаць — ты сам пачуй;
Пачуй ты песьню перамогі,
Што я кавадлам стукачу!

1925 г.