АРТЫКУЛЪ 1.

О грабенье стада свирѣпъего.

Уставуемъ, естлибы хто пограбилъ на якомъ колвекъ кгрунтѣ стадо свирѣпъе князское, панское, земянское, а держачи стадо жеребца або свирѣпу и колко ихъ уморилъ або охромилъ; таковый за жеребца князского панского земянского повиненъ будеть заплатити осмъ копъ грошей, а за свирѣпу чотыри копы грошей, нижли за кождого съ тыхъ жеребцовъ будеть ли торгуючы што давано, тогды тую уѣну будеть повиненъ платити за слушным доводомъ.

АРТЫКУЛЪ 2.

Якимъ обычаемъ мають се заховати о испашъ и о грабежъ на испашахъ.

Тежъ уставуемъ, ижъ нихто стада свирѣпьего на дѣдизнѣ чужой на испашахъ такъ тежъ и на своей власной займовати не мають, ани въ грабежъ брати, а хто бы на чіей дѣдизнѣ стадо занялъ або грабежъ учинилъ; таковый маеть тому кгвалтъ заплатити дванадцать рублей грошей и шкоду оправити, а што бы се тому стаду стало, подлѣ уфалы вышей описаное. Бо не маеть за испашъ стада брати, бы и засталъ на испаши, але маеть освѣтчивши сусѣдови отогнать, до того пана, чіе стадо есть, и испашъ маеть обвести людьми добрыми сторонними; тогды тотъ повиненъ испашъ заплатити, чіе стадо шкоду вчинило. А вѣдьже вызволяемъ одно стадо свирѣпье, абы на испаши не было займовано, а быдло кони волы и коровы свинье и гуси на испаши мають быти займованы подлѣ обычаю, и скоро занявши маеть обослати того пана, чіе быдло свое на поруку взялъ, а о испашъ на купу шолъ; и што купа на испаши шкоды присудитъ, тотъ панъ чіе быдло занято, маеть платити. А гдѣ бы на обосланье того, кому се испашъ стала, быдла своего на поруку взяти и на купу ити не хотѣлъ; тогды тотъ, хто займетъ, маеть быти зъ людьми добрими сторонними, и што тая мсторона шкоды окупують, онъ маеть въ той шкодѣ своей оставити того быдла только, што бы за его шкоду стояло, а досталь отослати до того пана чіе быдло. Нижли стадо свирѣпье кони и кождое быдло только до светого Юрья безъ пастуха маеть вольно ходити, а по светомъ Юрьи въ тыжъ день кождый маеть около добытку своего сторожу або пастуха мѣти, черезъ все лѣто ажъ до первого дня мѣсяца Октебра. А давность отправѣ за испашь не маеть дальшая быти только подлѣ стародавного звычаю до Божъего нароженья. И хтобы о испашъ присужоною, не хотечи платити подлѣ права, далъ се позвати; тогды съ права, достанетъ ли виненъ, маеть совито заплатити.

АРТЫКУЛЪ 3.

Хтобы подъ шляхтичомъ або подъ шляхтянкою грабежъ учинилъ.

Тежъ уставуемъ, хтобы подъ шляхтичомъ або подъ шляхтянкою грабежъ вчинилъ, кони побралъ при костелѣ на торгу або на поли, гдѣ жъ кольвекъ бы, тежъ бою не вчинилъ, або подъ слугою коня взялъ, або зъ воза выпрягъ, хотя бы оная особа при томъ не была, а былъ бы на то передъ врядомъ слушный доводъ; таковый оный, который грабежъ учинилъ, маеть такового навезати и шкоды, если будутъ при томъ грабежи вчинено, за доводомъ оправити.

АРТЫКУЛЪ 4.

О грабежъ коня князского, панского и шляхецского.

Тежъ князского панского, шляхецского коня изъ кождого грабежу безправного вызволяемъ. А естли бы хто безъ права князя або пана и шляхтича, хотя въ небытности его, коня пограбилъ; таковый маеть коня конемъ навезати.

АРТЫКУЛЪ 5.

Яко челядь невольная втеклая маеть быти заповѣдана.

Если бы чія челядь невольная втекла, а заповѣдана бы зъ якого перейму, и женучи за нею въ погоню въ кого ее нашолъ; тогды маеть тому, въ кого челядь зостанетъ, переемъ дати, съ чого будеть первей заповѣдалъ. А естьли бы заповѣди и перейму, въ кого оную челядь нашолъ, недалъ, а тотъ бы ему не хотѣлъ тое челяди безъ перейму выдати, и взялъ поземъ кгвалтомъ, а до права о то былъ позванъ; тогды тотъ за тымъ позвомъ повиненъ будеть сторонѣ жалобливой платити яко за кгвалтъ дванадцать рублей грошей. А естли бы хто чію челядь въ себе ховалъ, а тотъ по колко кроть заповѣди и по торгу закликалъ, оповѣдаючы ее, и потомъ бы тотъ, чія челядь, въ колко недѣляхъ тую челядь свою въ него нашолъ; тогды только маеть, за страву ему отъ кождого челядника на недѣлю по два гроши давши, челядь свою добровольнѣ взяти.

АРТЫКУЛЪ 6.

О грабежъ человѣка князского, панского и земянского.

Уставуемъ, естли бы шляхтичъ чіихъ людей пограбилъ на торгу при церкви на добровольной дорозѣ; таковый маеть сторонѣ обжалованой вины заплатити шесть рублей грошей, а грабежъ зъ навезкою отдати, то естъ коня конемъ вола воломъ навезати. А пакли бы шляхтичъ або хтожъ кольвекъ пограбилъ у чіихъ людей на поли або гдѣ индей, а бою не вчинилъ; тогды маеть заплатити три рубли грошей, а грабежъ также навезати. А мужикъ мужика естли бы при костелѣ або на торгу на дорозѣ пограбилъ; маеть заплатити три рубли грошей, а грабежъ всякій также зъ навезкою платити маеть, коня конемъ, вола воломъ, а корову коровою, и кождое быдло, якое пограбилъ, таковымъ навезавши маеть отдати, або цѣною заплатити, яко нижей описано.

АРТЫКУЛЪ 7.

Цѣна конемъ рабочимъ.

За коня або за свирѣпу робочую копа грошей, а за третека жеребка отъ робочихъ свирѣпъ копа грошей, а за третячку свирѣпу полтина грошей, за лонское жеребя пол-копы грошей, за лѣтошнее двадцать грошей.

АРТЫКУЛЪ 8.

Цѣна быдлу малому и великому.

За вола осмдесятъ грошей, за вола стадника осмдесятъ грошей, за корову петдесятъ грошей, зо яловицу сорокъ грошей, и за быка неука сорокъ грошей, за телицу пол-копы грошей, за теля лонское двадцать грошей, а за теля сеголѣтнее дванадцать грошей, за вепра кормного пятдесятъ грошей, за вепра некормного пол-копы грошей, за кнороза сорокъ грошей, за свинью двадцать грошей, за подсвинка десеть грошей, за порося пять грошей, за овцу петнадцать грошей, за барана дванадцать грошей, за скопца барана двадцать грошей, за ягня пять грошей, за козла пол-копы грошей, за козу двадцать грошей, за козеня пять грошей.

АРТЫКУЛЪ 9.

Цѣна птахомъ домовымъ.

Гусь три гроши, каплунъ шесть грошей, курица пол-тора грошей, утка два гроши, селезень грошъ, голубъ грошъ, утка круговая шость рублей грошей, пава або павъ три копе грошей, лебедь домовый три копы грошей.

АРТЫКУЛЪ 10.

Цѣна птахомъ на мысливство хованымъ.

Кречотъ красный дванадцать рублей грошей, за бѣлого кречота десеть рублей грошей, серый кречотъ шесть рублей грошей, соколъ шесть рублей грошей, а ястребъ великій три рубли грошей, болобанъ два рубли грошей, за рабца або за кгрокгулца рубль грошей, за дремлюга пятдесятъ грошей.

АРТЫКУЛЪ 11.

Цѣна збожъю.

Пшеница копа петнадцать грошей, жита копа дванадцать грошей, ярицы копа десеть грошей, ечменю копа осмъ грошей, овса копа шесть грошей, гречки копа пять грошей, гороху копа шесть грошей, проса копа чотыри гроши, илну копа дванадцать грошей, рѣпы бочка пять грошей.

АРТЫКУЛЪ 12.

Цѣна собакомъ.

За пса домового брехуна три рубли грошей, за наслѣдника и за набрехника звѣринного шесть рублей грошей, за окгара три копы грошей, за узлайника три копы грошей, за выжла три копы грошей, за щайку подъ ястреба три копы грошей, за по дстрелного три рубли грошей, за пса обсочного шесть рублей грошей, за меделянского пса шесть рублей грошей, за хорта подсокольего шесть рублей грошей.

АРТЫКУЛЪ 13.

Если бы кого песъ непривязаный укусилъ.

Уставуемъ, кгды бы кого песъ непривязаный уѣлъ съ чіего прищванья, а онъ бы ставши за позваньемъ передъ урядомъ къ тому прищванью се не зналъ; таковому маеть судъ сказати отприсегнутися, ижъ того не вчинилъ, а гдѣ бы присегнути не хотѣлъ, тогды, жалобливая сторона кгды его въ томъ поприсягнетъ, повиненъ его будеть навезати ведле стану его, якобы его самъ ранилъ рукою своею. Пакли жъ бы хто кому пса умыслнѣ а не отъ руки забилъ або застрелилъ; таковый будеть оного пса повиненъ платити водле цѣны вышей описаное, естли бы его забилъ отъ руки кіемъ або якою бронею не пометомъ а ни стрѣлбою, таковый не повиненъ будеть ничого платити.

АРТЫКУЛЪ 14.

Которое бы быдля або песъ в сусѣдстве шкоду чинилъ.

Уставуемъ, естли бы въ кого песъ домовый або быдля якую шкоду въ околицы чинилъ, а тотъ домовый господарь о томъ вѣдаючы оного быдляти стеречи а пса на привези мѣти не хотѣлъ; тогды таковый будеть повиненъ всю шкоду въ суседствѣ платити и оправовати, на што слушный доводъ удѣланъ быти маеть.