Гэта старонка не была вычытаная
ЯНКА
Быў.
ЮРАЙ
Прасіў ты запытаць,
Чаму бедна ты жывеш?
ЯНКА
Але-ж.
ЮРАЙ
Не казаў, каб я пакінуў,
Ну, для памяці сядла?
ЯНКА
Знаць ня знаю, каб я згінуў,
Не даехаў да сяла!
І навошта мне сядзёлка,
Сам ты, Юрай пасудзі?
Дзе-ж яно тут? то-ж ня голка!
Пашукай яго, найдзі!
Глянуў Янка навакола
Ды гаворыць сьціха:
„Бадай яго было гола!
Вось ня ведаў ліха!
Тут з цярпеньня выйдзе ўсякі,
Вось-жа скула села!
Дасца мне сядзёлка ў знакі,
Каб яно згарэла!
