Гэта старонка не была вычытаная
1-я кабета (цягнучы саху, заплакаўшыся).
Што за ночка! што за ночка!
Не пакінуў і ламочка!
Як сярпом, зжынае, голе...
А стары, прост, сходзе с поля,
Галаву саўсім губляе -
Сам не знае, што хватае;
То у хлеўчык матанецца,
То ля пуні апынецца...
Ні прыстаньня, ні куточка...
Што за ночка! што за ночка!!
2-я кабета (з дзіцянём у калысцэ).
Чуць усьпела, чуць з душою
Гэта выхваціць малое;
Асталася ступа, дзежка
І пасудак і адзежка.
Мой паехаў с кума братам -
Папрасіў - паехаў сватам,
І не бачыў і ня ведаў,
Як гарэла ўсё да сьледу,
Мо-б што больш уратавалі...
Так, саўсім, саўсім прапалі..
3-я кабета (Цягнучы на руках ягнё).
...Цягнем с хаты мы ламоцьце:
Зірк на хлеўчык - страху́ коце...
