Гэта старонка была вычытаная
44 6-е відма.
На, і доўга не таргуйся,
І па скарб да нас ня сунься.
Сядзьце ціха, сядзьце скрыней,
Як-бы мухі ў павуціне.
Як кароўка — гэтак дойна,
Як свая цень — так спакойна;
Гібка так — як валаконцы,
Так працэнтна — як чырвонцы, —
І па скарб ня лезь аблавай:
Цемра тут закон і права!
Таварышы 7-го відма, (двое — старая кабета і падростак).
Кабета.
Каб хаця ужо сьвечак
Як найболей разнеціў,
Каб аж мой чэлавечэк
На тым цешыўся сьвеце…
На імшу на «задушкі»…
За жывёлку так сама…
Падростак.
За памершые душкі
Майго таты і мамы.
7-е відма.
Для навукі, для прымеру,
Як паступкам знаці меру…
Сядзьце складна і прыкладна,
Непакратна і нездрадна;