Старонка:Rodnyje zierniaty (1916).pdf/186

U Twierskaj huberni. U pawietach: Zubcoŭskim, Astaškoŭskim i Ržeŭskim.

U Pskoŭskaj huberni. U pawietach: Wialikałuckim, Apočeckim i Taropieckim.

U Kurlandzkaj huberni. U Iłłukštskim pawieci.

U Kowienskaj huberni. U Nowoaleksandroŭskim pawieci.

U Suwalskaj huberni. U pawietach Aŭhustoŭskim i Sejnienskim.

Usiaho biełaruskaje plemia zajmaje abšar ziamli, katory maje u doŭžki blizka 700 wiorst, a ŭ šyrki blizka 500 wiorst. Na hetym abšary žywie bolš waśmi miljonoŭ biełarusoŭ.

Žywie biełarusoŭ:

U Mahileŭskaj	huberni	1	mil.	650	tysiač	069	duš.
U Minskaj	„	1	„	755	„	690	„
U Wilenskaj	„	1	„	076	„	435	„
U Witebskaj	„	—	—	976	„	638	„
U Smalenskaj	„	—	—	947	„	826	„
U Hrodzienskaj	„	—	—	861	„	640	„
U Čarnihaŭskaj	„	—	—	700	„	000	„
U Cwierskaj	„	—	—	125	„	060	„
U Kowieskaj	„	—	—	60	„	000	„
U Pskoŭskaj	„	—	—	42	„	000	„
U Kałužskaj	„	—	—	41	„	029	„
U Arłoŭskaj	„	—	—	38	„	484	„
U Suwalskaj	„	—	—	22	„	390	„
U Kurlandzkaj	„	—	—	20	„	981	„
A ŭsiaho		8	mil.	317	tysiač	961	duš

U hetym nie paličeny biełarusy pieresialency i emihranty, šlachta i mieščanie; a kali dadamo ješče naturalny pryrost nasialeńnia za apošnije siem let (ad 1903 hodu, kali było robleno hetaje padličeńnie), to ciapier čysło biełarusoŭ dachodzić blizka 10 miljonoŭ.

Pa wiery biełarusy dzielacca na prawasłaŭnych i katalikoŭ. Akuratnaho liku biełarusoŭ katalikoŭ i prawasłaŭnych dahetul nichto nie rabiŭ; bolej-mieniej tolki wiedama, što biełarusiŭ prawasłaŭnych jość blizka ŭ try razy bolej, čym katalikoŭ.