Старонка:Nashy dni 1937.pdf/56

ЗАХОДНЯЙ БЕЛАРУСІ

Граніц няма шаленству катаў.
„Душы!“ „Даві!“
„Крыві! Крыві!“
Вот лозунг панскіх дэмакратаў.

Лютуе кат. Растуць магілы,
А на магілах — бур‘яны…
Краіны верныя сыны.
Клюе вас „ожэл“ белакрылы.

Працяты жудасцю астрогі,
І стогнам поўняцца муры…
Хвала вам, гонар, змагары!
Не зарастуць вашы дарогі.

Вас судзіць суд прадажнай зграі,
Дзе панскі зброд,
Сумленне кінуўшы за плот,
На „крэсах“ „цуды“ утварае.