Старонка:Biełaruskija relihijnyja pieśni (1929).pdf/18

Jak zwyčaj kaža, Zbaŭcu achilili —
Ŭ hrob pałažyli.
Wierny, narodzie. što Boha baišsia,
Za swaje winy ślazami zalijsia,
Chrystu padziaku pašli i maleńnie —
Za adkupleńnie.

ŚWIATY KRYŽU…

Światy Kryžu, najmilejšy,
Z usich drewaŭ najsłaŭniejšy!
Ŭ hetym drewie moc i siła:
Jano Jezusa nasiła;
Z jaho pływie asałoda
Dla harotnaha narodu.

Drewa ćwiordaje, zmiakčysia,
Až da ziemli prychilisia!
Spuści cieła majho pana —
Jano wielmi skatawana.
Pazwol Jamu adpačyci,
Na ziamlu skarej zstupici.

Ciabie wybraŭ Boh adwieku
Na zbaŭleńnie čaławieku;
Z ciabie łaska ludziam dana,
Duša naša ŭzmacawana,
Krywioj Božaj ŭsia abmyta,
Što praz Jezusa pralita.