Razwićcie dzieržaŭnaj biełaruskaj myśli u Uschodnaj čaści Biełarusi.
Z niezwyčajnaj siłaj i razmacham staŭ razwiwacca nacionalna-palityčny ruch u Uschodnaj čaści Biełarusi at pieršych dzion rasiejskaj rewalucii lutaho miesiaca 1917 h. Užo u marcy adbyŭsia ludny zjezd biełaruskich hramadzianskich dziejačoŭ i byů utworen „Biełaruski Nacionalny Kamitet“. Adnak skład hetaho kamitetu akazaŭsia nie zusim udačny i z hetaj pryčyny jon byů zamienien nowaj orhanizacijej — „Centralnaj Radaj biełaruskich orhanizacij i partij“, katoraja z hetaho času stanawiła centr biełaruskaho nacionalnaho žyćcia i palityčnaho ruchu. Za šeść miesiacoŭ rasiejskaj rewalucii palityčnaja biełaruskaja myśl šyryłasia i umacowywałasia na čyślennych zjezdach i schodach. Biełaruski ruch razliŭsia pa ŭsim kraju i pałažyŭ swajo klajmo na ŭsim biełaruskim žyćci. Ad wieraśnia, paśla trejciaj sesii „Centralnaj Rady Biełaruskich orhanizacij i partij“ wyjawiłasia patreba utwareńnia dzieržaŭna-praŭnaj ustanowy, katoraja ŭziała-by ŭ swaje ruki ŭsiu ŭłaść u kraju i apawieściła-by Biełaruskuju Demokratyčnuju Respubliku. Dziela hetaj mety byli sklikany biełaruskije zjezdy armij usich frontaŭ: Zachodnaho ŭ Miénsku 18—24 kastryčnika, Paŭnačnaho u Witebsku (15—20 listapada), Rumynskaho ŭ Adessi (3—8 śniežnia) i Pałudniowa-Zachodnaho ŭ Kijewie (17—22 śniežnia), — dalej dwa zjezdy biełaruskich uciekačoŭ u Maskwie i adzin u Miensku, zjezdy wučycielskich i inšych hramadzianskich orhanizacij u Smalensku, Witebsku, Połacku i pa inšych miestoch. Wynikam hetych zjezdoŭ było utwareńnie, „Wialikaj Biełaruskaj Rady„, „Biełaruskaj Centralnaj Wajskowaj Rady“ i sklikańnie ustanoŭčaho Biełaruskaho nacionalnaho konhresu ŭ Miensku 18 śniežnia 1917 h.
