Гэта старонка была вычытаная
На таку ўмалотна,
У засеках спорна.
У засеках спорна,
У млыне умолна.
У млыне умолна,
Ў дзяжы падыходна.
Ў дзяжы падыходна,
У печы узросна.
У печы узросна,
На стале укройна.
45. Благаславі, божа
Благаславі, божа,
Вясну красну пеці
На ціхае лета,
На буйнае жыта.
Каб наша жыта
Ў трубы павілося,
У трубы павілося,
Набок схілілося.
На полі снапамі,
А ў гумне тарпамі,
На таку ўмалотна,
Ў арудзе прысыпна,
А ў млыне прымолна,
А ў дзяжы падходна,
А ў печы пячыста,
А на стале краіста.
Сям’і на здароўе,
Панам — безгалоўя!
