Гэта старонка не была вычытаная
Бульба, як арэхі,
Па тры пад карчом,
Боб, гарох, капусту,
Збэрсала сьвінчо.
Возіць з поля, возіць,
Што ня згноіў дождж, —
Не зьбярэ ўмалоту —
Каласы, як хвошч.
Малацьба надыйдзе,
Бо патрэбен хлеб,
Нашто малатарня,
Балазе ё цэп.
Таксама на арфу
Ня прышла пара, —
Веелкай навее
Кубялок дабра.
Млын хоць недалёка —
Ня прывык яшчэ:
Зьмеле ў жорнах жыта,
Ў ступе круп стаўчэ.
Сядзе есьці, сядзе
За кульгавы стол,
Траяногі зэдаль
Чуць ня рыне у дол.
Груца ды зацірка,
Цэд, цура, кісель,
Мілта, саладуха —
Амаль стравы ўсе.
Ані тэй закрасы,
Ані скваркі тэй,
Бульба з мундзірамі,
Хлеб нібы з пасей,