Гэта старонка не была вычытаная
1-шы ПАДАРОЖНЫ
І дзіўны-ж гэты чалавечак!
Чаго ён хоча ад другіх?..
2-гі ПАДАРОЖНЫ
Ці-ж мала ёсьць такіх авечак?
Ат, толькі сьмех глядзець на іх!
3-ці ПАДАРОЖНЫ
А я скажу вам, ягамосьці:
Сыходзіць з поля маладзец;
Злавіў там з кніжак штось чагосьці,
Ну, і вар‘юецца ў канец.
Чуваць конскі топат.
1-шы ПАДАРОЖНЫ
А гэта што зноў за праява:
Каго нячысьцік нясе так?
2-гі ПАДАРОЖНЫ
Бадай, запутаная справа, —
Вун, вун — адзін, другі яздак.
3-ці ПАДАРОЖНЫ
Сюды на вогнішча к нам едуць,
А з імі — нейкі важны чын.
1-шы ЯЗДАК
шыбка пад‘яжджаючы
Ці не маглі вы бачыць, ведаць —
Сюдой вандроўнік шоў адзін?
ПАДАРОЖНЫЯ
Не, не паночкі! мы ня знаем,
Мы тут начуем толькі ўтрох,
І зараз самі ад‘яжджаем:
На рынак ладзімся, на торг.
