|
Ты, зялёная дубрава,
Сон скідай, расьцьвітай,
І шумеці добрай славай
Ня кідай на ўвесь край.
Гамані, расходзься шумам
Ад мяжы да мяжы,
Ўлі надзею вольным думам,
Аб усім раскажы.
Казку быўшых песьнясьпеваў
Распалі, разагрэй;
Разьмяці управа, ўлева
Сухацьвет, сухавей.
Маладыя загаворы
Ў ход пусьці, сатвары;
Яснаглядам долы, горы
Асьвяньці, прыбяры.
Кінь разгонна весьці сьвету
Аб сабе, аб сяўбе,
І да неба вестку гэту
Данясі у кляцьбе.
Абніміся з нівай, роднай
І душой і грудзьмі;
Край прыбіты, непагодны
Ўскалыхні, падымі…
|
